Gjatë javës së kaluar, ekipet e Ndërmarrjes Publike Higjiena Komunale-Shkup ngritën dhe transportuan 615 metra kub mbeturina nga deponitë ilegale në territorin e qytetit të Shkupit.
Përafërsisht 25 metra kub mbeturina të përziera komunale dhe të rënda të hedhura në mënyrë të papërshtatshme u hoqën nga Rruga John Kennedy, në afërsi të Shkollës Fillore “Vasil Glavinov”, ku është vërejtur hedhje e vazhdueshme e mbeturinave në sipërfaqe publike dhe të trafikut për një periudhë të gjatë.
Javën e kaluar, Eko-Patrulla e Ndërmarrjes Publike Higjiena Komunale-Shkup përgatiti 21 raporte për individë dhe persona juridikë të gjetur në shkelje të Ligjit për Pastërtinë Publike, nga të cilat 13 raporte u dorëzuan në territorin e komunës Çair të Shkupit.
Njëkohësisht, Ndërmarja vazhdon me mirëmbajtjen e përditshme të higjienës publike përmes fshirjes manuale dhe mekanike të bulevardeve dhe rrugëve më të mëdha, Sheshit dhe Rrugës Maqedonia, shesheve më të vogla Filipi II, Nënë Tereza dhe Bogorodica, urave për këmbësorë në zonën qendrore të qytetit, shtigjeve për këmbësorë dhe trotuareve në urat “Goce Delçev” dhe “Sloboda”, si dhe Çarshisë së Vjetër të Shkupit.
