George Russell ka fituar garën e parë të sezonit 2026 në Formula 1.
Piloti 28-vjeçar i ekipit Mercedes‑AMG Petronas Formula One Team arriti ta shndërrojë pole position-in në fitore të dielën (8 mars) në garën 2026 Formula 1 Australian Grand Prix, e zhvilluar në Melbourne Grand Prix Circuit në Melbourne, Australia.
Podiumi u plotësua nga shoku i tij i skuadrës, Kimi Antonelli, i cili përfundoi në vendin e dytë, duke i dhënë Mercedes-it një fillim perfekt të sezonit me dy pilotë në podium. Në vendin e tretë u rendit piloti i Scuderia Ferrari, Charles Leclerc.
Sezoni 2026 shënon fillimin e një epoke të re rregulloresh në Formula One, ndërsa për herë të parë pas disa vitesh në start u paraqit edhe një ekip i 11-të në grid.
Megjithatë, pesë pilotë nuk arritën ta nisin ose ta përfundojnë garën. Oscar Piastri nga McLaren dhe Nico Hülkenberg nga Audi nuk arritën të nisen fare në garë. Ndërsa Fernando Alonso nga Aston Martin , Valtteri Bottas nga Cadillac dhe Isack Hadjar nga Red Bull Racing nuk arritën ta përfundojnë garën.
Gara e radhës në Formula 1 është planifikuar për fundjavën e ardhshme, ku sezoni do të vazhdojë me 2026 Formula 1 Chinese Grand Prix në pistën Shanghai International Circuit në Shanghai, China.
