Kryeparlamentari Afrim Gashi, ka zhvilluar sot një takim të përzemërt me ish-kryetarin e komunës së Bursës në Turqi, Rexhep Alltepe.
Gjatë takimit, u diskutua për thellimin e bashkëpunimit mes dy vendeve, me theks të veçantë në lidhjet ndërmjet qyteteve, mundësitë ekonomike dhe shkëmbimet kulturore.
Kryetari Gashi e falënderoi Alltepe për mbështetjen dhe interesin e tij të vazhdueshëm për Maqedoninë e Veriut, si dhe për kujdesin e treguar ndaj diasporës shqiptare në Turqi.
Ai vlerësoi se përvoja dhe kontaktet e pasura të z. Alltepe mund të ndihmojnë në krijimin e partneriteteve dhe projekteve të reja me interes të ndërsjellë.
“Ne vazhdojmë të ndërtojmë ura miqësie dhe besimi, me një vizion të qartë – më shumë mundësi për qytetarët tanë, më shumë bashkëpunim dhe lidhje më të forta midis Maqedonisë së Veriut dhe Turqisë”, ka theksuar kryeparlamentari Gashi.
