Kryetari i Kuvendit, Afrim Gashi e ka vlerësuar si vëllazëror takimin e sotëm me kryeministrin e Kosovës dhe liderin e Vetëvendosjes, Albin Kurti të mbajtur sot në Shkup.
Në këtë takim kanë marrë pjesë edhe liderërt e VLEN-it, ndërsa lidhet me rastin e Ditës së Alfabetit, 22 Nëntori.
“Një takim vëllezëror sot në Shkup me kryeministrin e Kosovës, mikun tim Albin Kurti dhe me miq e liderë nga koalicioni VLEN. Në këtë Ditë të Alfabetit të gjuhës shqipe, biseduam me frymë bashkëpunimi për zhvillimet politike në rajon dhe për rrugët që na lidhin si institucione, si fqinj dhe si komb. Së bashku nisim rrugën drejt Manastirit, vendit ku drita e shkronjave tona u bë udhë për të gjithë ne”, shkruan Gashi në postimin në rrjetet sociale.
