Kryetari i Parlamentit të Republikës së Maqedonisë së Veriut, Afrim Gashi, ka marrë pjesë në emisionin “BE dhe NE” në TVM 2!
Gashi në këtë intervistë ka theksuar se nuk ka asnjë kompromis në luftën kundër krimit dhe korrupsionit.
“ Nëse ka dilema dikush rreth kësaj, atëherë vërtetë nuk duhet të jetë pjesë e estabilshmentit politik. Dhe nuk po flas këtu vetëm për pozitë. Qoftë pozitë ose opozitë, politikanët sot që janë qoftë në Kuvend, apo në Qeveri, apo në pushtetin lokal, qoftë edhe qytetarët që kanë të bëjnë me pushtetet tjera, gjyqësor, legjislativ e ekzekutiv, por edhe mediat dhe qytetarët tjerë. Nëse nuk e kuptojnë se kemi ardhur në pikën e fundit, jemi futur në zonën e kuqe që nuk ka më hapësirë, edhe më tej të zhytemi në krim dhe në korrupsion duhet menjëherë në mënyrë radikale ta kthejmë anijen në anën e kundërt dhe t’i shpallim luftë krimit dhe korrupsionit, përndryshe, do të fundosemi të gjithë bashkë. Dhe ky është një mesazh të cilin duhet ta kuptojmë të gjithë ne. Nuk bëhet fjalë më a do të dënohet një person, një funksionar, një politikan. Anija po na fundoset”, deklaroi Gashi.
