Lideri i Alternativës, pjesë e Lidhjes Europiane për Ndryshim, Afrim Gashi ka dalë në mbështetje të liderit të Aleancës për Shqiptarët, Arben Taravari, përcjell TV21.
Gashi thotë se kërcënimi ndaj tij, flet për mentalitetin tribal të atyre që mendojnë se vendimet politike mund t’i orientojnë me dhunë.
“Kërcënimi ndaj kryetarit të Aleancës për Shqiptarët, Arben Taravari, përtej traumës familjare dhe shijes së hidhur personale për të, që sigurisht është për keqardhje dhe empati të shkallës më të lartë, më shumë flet për mentalitetin tribal të atyre që mendojnë se vendimet politike mund t’i orientojnë me dhunë. Ata harrojnë se nuk ka plumba që mund ta vrasin vullnetin e popullit për ndryshim. Por, ne si as shoqëri nuk mund të lejojmë që tash, kur jemi në prag të hapjes së negociatave për aderim në BE, demokracinë tonë ta vrasin vagabondët.
Duke shprehur keqardhje dhe solidarizim me familjen e Dr. Arbenit, shpreh mbështetjen time dhe të Alternativës për të dhe familjen e tij”, shkroi Gashi.
Lideri i Alternativës pret që organet e drejtësisë të kryejnë punën e tyre në zbardhjen e rastit.
“Natyrisht, presim që organet e rendit dhe drejtësisë ta bëjnë punën e tyre”. https://m.facebook.com/story.php?story_fbid=pfbid02k8YEmsrGV1Z41A6cXZsUmv5KYD2c7u8HUAT15MsdYjaa3LTqoRRPC9fsoJEAyvwel&id=100044385941052&mibextid=Nif5oz
