Në kontekst të takimit të kryeparlamentarit, Afrim Gashi, me deputetin rom nga Kroacia, Veljko Kajtazi, si dhe me përfaqësues të sektorit rom, vlen të rikujtohet një mesazh i rëndësishëm që ai e kishte dhënë edhe më herët në një takim me përfaqësues të komunitetit rom, transmeton portali RomaPress.
Gashi kishte deklaruar qartë se, edhe në mungesë të një deputeti rom në Parlament, ai personalisht do të angazhohet për interesat e komunitetit rom. Ai theksoi se ndjen përgjegjësi dhe obligim, si politikan dhe si kryetar i legjislativit, të mbrojë me zë të lartë nevojat dhe të drejtat e romëve, të cilët shpesh mbeten të margjinalizuar dhe të harruar nga politikat institucionale.
Në frymën e inkluzionit dhe drejtësisë, Gashi theksoi se angazhimi i tij politik do të jetë edhe zëri i atyre që aktualisht nuk kanë deputet në Parlament.
