Kryetari i Komunës së Çairit sot vizitoi SHFK “Jashar Bej Shkupi”, ku së bashku me drejtorin Rahim Maksuti inspektoi investimet e realizuara për përmirësimin e kushteve shkollore. Falë bashkëpunimit me organizata dhe institucione vendore e ndërkombëtare, shkolla ka përfituar projekte të rëndësishme që rrisin cilësinë e mësimdhënies.
Së fundmi, Shoqata Qeveritare “TIKA” ka mundësuar renovimin e tre klasave për klasat e para, ndërsa klasa e informatikës është pajisur me 21 kompjuterë të rinj për të përmirësuar mësimin teknologjik. Më herët, Fondacioni “Shoqëri e Hapur”, në bashkëpunim me Komunën e Çairit, ka financuar vendosjen e paneleve fotovoltaike, ndërsa shkolla zvicerane “Viltes Vangs V.2023” ka dhuruar 45 banka dhe 75 karrige për nxënësit. Po ashtu, Shoqata “Jonuz Emre” ka furnizuar tre klasa me 50 banka të reja dhe ka mbështetur renovimin e zyrës së ndihmës drejtorit. Ambienti shkollor është pasuruar edhe me vizatime murale, realizuar nga mësimdhënëset Selvije Gashi dhe Zejnep A. Sinani.
Kryetari i Komunës shprehu mirënjohje për të gjithë donatorët dhe theksoi se arsimi mbetet prioritet i komunës, duke premtuar se investime të tilla do të vazhdojnë për të krijuar kushte sa më të mira për nxënësit dhe mësimdhënësit.
Komuna e Çairit do të vazhdojë të mbështesë arsimin me projekte konkrete për një të ardhme më të mirë!
https://www.facebook.com/share/p/14gHHqgfUB/
