Futbollistët e Wolverhampton kanë mposhtur Chelsean me rezultat 2:1 para tifozëve të tyre në ndeshjen e fundit të xhiros së 18-të të Premier ligës angleze të luajtur në stadiumin “Molineux”.
Mario Lemina i Gabonit ishte shënuesi i golit të parë në minutën e 51-të, kur ai dërgoi topin me kokë në rrjetë pas goditjes nga këndi të Pablo Sarabias. Deri në kohën shtesë të arbitrit, rrjetat ishin të qeta dhe më pas ranë edhe dy gola të tjerë.
Epërsia e vendasve u dyfishua nga Matt Doherty në minutën e tretë të kohës shtesë, ndërsa për 2:1 përfundimtar shënoi Christopher Nkunku (90+6) me golin e tij të parë për Chelsean në ndeshjet zyrtare.
Skuadra e Mauricio Pochettino pësoi humbjen e tretë në katër ndeshjet e fundit të ligës, dhe Wolverhampton fitoi fitoren e gjashtë këtë sezon dhe barazoi me Chelsean me 22 pikë, i cili mbeti në vendin e dhjetë për shkak të një gol-diference më të mirë.
