Numri 9 te Gjermania në Botërorin e fundit, numri 9 në Evropianin e 2024, numri 9 në finalet e Nations League në muajin maj. Niclas Füllkrug i shton serisë një tjetër fanelë me numrin 9, futbollisti gjerman edhe te Milani do të mbajë fanelën me numrin 9.
Një zgjedhje kjo e bërë me zemër, por edhe me një lloj kurajoje, sepse te Milani 9 është një numër i komplikuar që e kanë mbajtur legjendat e këtij klubi si Van Basten, Inzaghi, ëeah, por që për vite të tëra ka qenë ‘i mallkuar’. Matri, Torres, Destro, Luiz Adriano, Lapadula, André Silva, Higuain, Piatek, Mandzukic, Jovic; kanë qenë të shumtë ata që tentuan të ishin në nivelin e pritur të kësaj fanele, por që dështuan totalisht. I vetmi që e ka mbajtur me stil fanelën me numrin 9 ka qenë një djalë francez i ardhur nga Alpet që në jetë mund të kishte bërë edhe rolin e modelit; Olivier Giroud.
Füllkrug e kaloi këtë të martë me Milanin; vizitoi Madonninën, kreu vizitat e tjera, ato mjekësore, kaloi te Casa Milan për fotot dhe videot e rastit për rrjetet sociale. Ishte dita e tij e parë si futbollist kuqezi edhe pse zyrtarizimi i transferimit të tij sipas rregullores do të bëhet vetëm në 2 janar.
Këtë të mërkurë, në prag të Krishtlindjes, Füllkrug do të bëjë ndonjë test fizik në Milanello dhe më pas do të largohet nga Italia për Krishtlindje. Do të kthehet në kohë për stërvitjet me kuqezinjtë nëse ëest Ham do të japë lejen përfundimtare, që nuk duket se do të jetë problem, që futbollisti të stërvitet me një skuadër tjetër përpara se të plotësohen procedurat burokratike. Milani do të stërvitet pasditen e 26 dhjetorit dhe ditën e Vitit të Ri do të niset për në Cagliari ku do të luajë në 2 janar me skuadrën vendase.
