Grupi parlamentar i Frontit Europian njoftoi se e kanë dorëzuan në Kuvend rezolutën që synon zbatimin e Ligjit për Përdorimin e Gjuhëve në provimin e jurisprudencës, një iniciativë e nisur nga studentët e drejtësisë.
Rezoluta vë në pah se studentët shqiptarë, edhe pse ndjekin dhe përfundojnë studimet në gjuhën shqipe në universitete të akredituara, nuk mund të kryejnë provimin në gjuhën e tyre amtare, çka përbën shkelje të ligjit dhe cenim të parimit kushtetues të barazisë.
Deputetët shqiptarë kërkojnë nga institucionet, veçanërisht Ministria e Drejtësisë dhe Komisioni për Provimin e Jurisprudencës, të ndërmarrin masa të menjëhershme për zbatimin e ligjit dhe organizimin e provimit edhe në gjuhën shqipe, duke garantuar trajtim të barabartë dhe respektim të të drejtave gjuhësore për të gjithë studentët.
