Skuderia e Formula 1, Audi zyrtarizon Emma Felbermayr si pilote për sezonin e ardhshëm në F1 Academy, kampionati i Formula 1 vetëm për vajza që është përkrah kampionatit Botëror të Formula 1.
Bëhet fjalë për një hyrje të rëndësishme për markën gjermane që promovon zhvillimin e programit për shoqërimin e vajzave në një rrugëtim drejt divizionit më të lartë të motorsportit
Projekt afatgjatë
Projekti sportiv i Audit po merr forma gjithnjë e më serioze. Pilotja 19 vjeçare austriake vjen pas një debutimi në 2025 që ishre pozitiv sa ka tërhequr vëmendjen e skuderisë gjermane duke fituar një vend në programin sportiv të saj
‘Jemi të lumtur të mirëpresim Emma në familjen Audi Revolut F1 Team-tha Allan McNish, Drejtor i Driver Development Programme-dedikimi dhe paraqitjet e saj në sezonin debutues na bindën për potencialin e saj për të ardhmen. Vazhdimi i mbështetjes ndaj talentit femëror për ne është prioritet dhe burim krenarie’
Si funksionon Academy?
Felbermayr në këtë mënyrë do të ketë mundësi të masë forcat në një kampionat kompetitiv dhe i menduar për t’i dhënë më shumë vlerë talentit femëror në timon. F1 Academy është strukturuar në një mënyrë të tillë që pilotet mund të fitojnë pikë për Superlicencën; e vetmja që të autorizon për një kalim në kategorinë më të lartë të garave automobilistike, Formula 1. Fitorja e kampionatit të lejon të fitosh 10 pikë(duhen 40 për Superlicencën) dhe të kalosh në Formula 3 dhe 2, përpara se të bëhet kalimi i madh. Gruaja e fundit që ka drejtuar. një makinë të Formula 1 ka qenë italiania Giovanna Amati në 1992. Kushedi, mbase pasuesja e saj do të jetë pikërisht Emma Felbermayr me Audi.
