Kolonat me automjete të qytetarëve në hyrje-daljet e pikave të kalimeve kufitare të vendit vazhdojnë edhe gjatë orëve të mbrëmjes.
Sipas gjendjes së orës 20:47, pritjet më të gjata janë në dalje të pikës kufitare në Merdare – deri në një orë, me kolona të automjeteve një kilometër. Pritje një orëshe ka edhe te Dheu i Bardhë.
Pritje ka edhe në pikën kufitare Muçibabë ku kolona e automjeteve në dalje të kësaj pike kufitare është 800 metra e gjatë, me pritjet e qytetarëve 40 minuta, teksa në hyrje pritjet janë 20 minuta.
Kolona deri në njëqind metra ka edhe në Bërnjak, kur pritjet në dalje shkojnë deri në 30 minuta, ndërsa në hyrje të kësaj pike kufitare nuk ka kolona dhe pritjet shkojnë deri në pesë minuta.
