Sot, Komuna e Tetovës ka nisur zyrtarisht prishjen e objektit të vjetër të Shkollës së Mesme Tekstile, një institucion me histori të gjatë dhe të pasur arsimore, ku kanë mbaruar gjenerata të tëra nxënësish të shkëlqyer.
Ky hap i jep fund një epoke dhe hap rrugën për ndërtimin e një ndërtese të re, moderne dhe madhështore, e cila do të ndërtohet nga themeli, duke u bazuar në standardet më të larta bashkëkohore, me hapësira funksionale dhe teknologji të avancuar.
Në kuadër të këtij projekti ambicioz, do të ndërtohen dy shkolla të reja: Gimnazi “7 Marsi” dhe Shkolla e Mesme Tekstile “Gjoce Stojçevski”, me objekte moderne dhe kushte të përshtatshme, që do t’i përgjigjen nevojave të brezave të ardhshëm dhe standardeve më të larta të arsimit.
Investimi në arsimin lokal mbetet prioritet i Komunës së Tetovës, e cila beson se çdo investim i tillë sjell përfitime afatgjata për qytetarët dhe komunitetin në përgjithësi.
Komuna e Tetovës vazhdon të investojë në çdo sferë të pushtetit lokal, duke dhënë shembull edhe aty ku të tjerët dyshojnë.
—
