Në Shkollën Fillore “Jashar Bej Shkupi” ka nisur rrënimi i objektit ndihmës i cili ishte dëmtuar rëndë nga tërmeti i vitit 2016 që goditi Shkupin.
Në vend të objektit të vjetër, është planifikuar ndërtimi i disa klasave të reja që do të ndihmojnë dukshëm procesin arsimor dhe do të krijojnë kushte më të mira për nxënësit.
Me ndërtimin e klasave të reja, procesi arsimor në shkollën fillore Jashar Bej Shkupi pritet të zhvillohet vetëm në një ndrim.
Po ashtu, parashihet edhe ndërtimi i një salle sportive moderne dhe kënd lojrash për fëmijë të cilat përveç nxënësve të shkollës do të shfrytëzohet edhe nga riniia dhe fëmijët e lagjes Duqanxhik.
Ndërsa kandidati për kryetar komune të Çairit nga VLEN Izet Mexhiti theksoi se disa ditë më parë vizitova Shkollën “Jashar Bej Shkupi” në Dyqanxhik dhe identifikuam problemet që pengonin zhvillimin normal të mësimit dhe sigurinë e gjithë komunitetit shkollor.
“I sigurova stafin e shkollës se do të ndërhyjmë menjëherë për të plotësuar kërkesat dhe nevojat e tyre” ka thënë Mexhiti.
Punimet do të zhvillohen vetëm gjatë fundjavave, me qëllim që gjatë ditëve të javës të mos pengohet qarkullimi, i cili është i dendur në këtë pjesë të qytetit.
