Zëvendëskryeministri dhe njëri nga liderët e VLEN, Arben Fetai u prit me duartrokitje frenetike në Konventën e VLEN-it në sallën “Boris Trajkovski”, ku theksoi se shqiptarët nuk do të bien më pre e propagandës.
“Unë qëndrova sepse e dija që VLEN nuk është flluskë sapuni që shpërthen me erën e parë. VLEN është gur themeli mbi të cilin po ndërtojmë të ardhmen tonë”, deklaroi ai.
Fetai prezantoi kandidatët për kryetarë komunash duke i quajtur “fytyra e shpresës” për shqiptarët kudo që jetojnë.
