Raporti i fundit i Transparency International për vitin 2025 ka sjellë një sinjal pozitiv për Maqedoninë e Veriut. Vendi është ngritur për katër pozita krahasuar me vitin e kaluar, megjithëse vlerësimi me vetëm 40 pikë nga 100 tregon se sfidat mbeten të mëdha dhe se nuk ka vend për vetëkënaqësi.
Zëvendëskryeministri për qeverisje të mirë, Arben Fetai, përmes një postimi në Facebook, duke theksuar se ky rezultat është fryt i hapave konkretë të ndërmarrë nga qeveria. “Raporti tregon se vendi është ngritur për katër pozita krahasuar me vitin e kaluar. Ky padyshim është sinjal pozitiv. Por vlerësimi me 40 pikë nga 100 na kujton se sfidat janë ende të mëdha dhe se nuk ka vend për vetëkënaqësi”, ka shkruar Fetai.
Ai ka përmendur disa masa të ndërmarra. Miratimi i Planit akcionar të reviduar të Strategjisë për Transparencë 2023–2026, me afate dhe përgjegjësi të qarta. Kthimi i transparencës së pronësisë së vërtetë në mjet real parandalues, duke lidhur të dhënat e pronarëve përfitues me prokurimin publik. Funksionalizimi i Këshillit Nacional për Hetime Financiare dhe Konfiskim të Pasurisë si mekanizëm koordinues të nivelit të lartë. Përgatitja e strategjisë së re nacionale anti-korrupsion, e cila pritet të miratohet së shpejti. “Ka ende shumë punë përpara. Por çdo ditë po e vëmë shtetin në binarët e duhur”, ka përfunduar Fetai.
