Në debatin e sontëm në TV Shenja, një nga liderët e koalicionit VLEN, Arben Fetai, komentoi rezultatet zgjedhore dhe kritikoi ashpër ish-partnerin politik Arben Taravari.
“Humbësi më i madh është pa dyshim Taravari, sepse nga katër komuna ra në asnjë. Nga katër në zero. Ai që i kërkonte gjashtë komuna Ali Ahmetit, sot nuk e ka asnjë,” – theksoi Fetai, duke shtuar se Taravari “i ka borxh aktivistëve t’u thotë se Arben Fetai kishte të drejtë dhe të japë dorëheqje nga pozita e tij”.
Fetai kujtoi se Ziadin Sela, dy vite më parë, ishte përballur me të njëjtën situatë, duke nënvizuar se struktura e Aleancës për Shqiptarët ka mbetur aty ku ka qenë gjithmonë si antipod i BDI-së.
“Është për keqardhje që dy kryetarë radhazi i mori Ali Ahmeti, duke mos kuptuar as ai se struktura e Aleancës ka vazhduar aty ku ishte,” – tha ndër të tjera Fetai.
