Zëvendëskryeministri për qeverisje të mirë dhe njëri nga liderët e VLEN, Arben Fetai ka marrë pjesë në pritjen shtetërore me rastin e 18-vjetorit të Pavarësisë së Kosovës të organizuar në Prishtinë.
Siç shkruan Fetai në llogarinë në Fejsbuk, Kosova është më shumë se një shtet i ri, “është një dëshmi historike se liria fitohet me sakrificë dhe se dinjiteti ndërtohet me vizion”.
“Sonte, në Prishtinë në pritjen shtetërore për 18-vjetorin e Pavarësisë së Kosovës. Kosova është më shumë se një shtet i ri, është një dëshmi historike se liria fitohet me sakrificë dhe se dinjiteti ndërtohet me vizion. Në këtë mbrëmje solemne, ishte kënaqësi e veçantë të festoj me mikun tim, kryeministrin Albin Kurti, si dhe me presidenten, znj. Vjosa Osmani dhe kryetaren e Kuvendit, znj. Albulena Haxhiu”, ka theksuar Fetai.
Sipas tij, këto 18 vite, janë krenari dhe frymëzim për të gjithë shqiptarët.
“Edhe njëherë Urime Kosovë! 18 vite krenari dhe frymëzim për të gjithë shqiptarët”, nënvizon zëvendëskryeministri Fetai.
