Ish-zëvendëskryeministri i Maqedonisë së Veriut, dhe profesori universitar Festim Halili, po qëndron për vizitë zyrtare në Uashington, ku ka zhvilluar takime të rëndësishme institucionale.
Në kuadër të kësaj vizite, Halili u takua në United States Capitol me kongresmenin amerikan Juan Vargas, përfaqësues i Kalifornisë dhe mik i dëshmuar i rajonit tonë. Gjatë takimit, kongresmeni Vargas ndau një rrëfim domethënës nga periudha e luftës në Kosovë, duke theksuar se kishte strehuar për dy vite në shtëpinë e tij një familje refugjate nga Kosova.
Halili do të vazhdojë vizitën me takime në institucione të arsimit të lartë, institucione qeveritare amerikane, si dhe me pjesëmarrje në konferencën vjetore për siguri në Kongresin Amerikan.
Po ashtu, ai do të marrë pjesë në eventin tradicional të Lutjeve Nacionale të Mëngjesit, ku pritet të jetë i pranishëm edhe presidenti amerikan, Donald Trump.
