Lidhur me incidentin e ndodhur në Shtip, e ku mediat maqedonase shfrynë ndaj prindërve shqiptarë, kinse këta të fundit kanë sulmuar disa nga futbollistët e rinj të Bregallnicës, me një DEKLARATË kanë dalë edhe nga klubi i FC Shkupi Academy, përmes së cilës sqarojnë gjithë atë që ndodhi në stadiumin, “Belo Brdo”.
Më poshtë ju sjellim në tërësi reagimin e FC Shkupi Academy:
“Ne si klub jemi thellësisht të shqetësuar nga shpifjet dhe pasqyrimet e pavërteta që disa mediume në Maqedoni po bëjnë në lidhje me klubin tonë dhe mbi të gjitha me fëmijët tanë.
Së pari, shprehim keqardhje për atë që ndodhi në ndeshjen e sotme në Shtip dhe e dënojmë dhunën kategorikisht. Futbolli nuk ka dhe nuk duhet të ketë vend për dhunë. Dhuna është jashtë futbollit.
Klubi ynë prej vitesh është i angazhuar për edukimin sportiv dhe shoqëror të fëmijëve. Në bashkëpunim me trajnerët dhe prindërit organizojmë ligjërata pothuajse çdo muaj për sjellje fer, respekt dhe korrektësi – principe thelbësore për zhvillimin e fëmijëve tanë.
Në incidentin e sotëm, është e rëndësishme të kuptohet se ndërhyrja e prindërve ka ndodhur vetëm për të mbrojtur fëmijët e tyre dhe për të parandaluar përshkallëzimin e situatës. Nuk ka pasur asnjë prapavijë tjetër.
Me KF Bregallnicën kemi marrëdhënie shumë të mira dhe shpresojmë që ky incident të mos përsëritet kurrë. Do të punojmë edhe më shumë që situata të tilla të mos ndodhin, sidomos në kategoritë e reja, ku futbolli duhet të mbetet vetëm lojë dhe gëzim për fëmijët.
Futbolli na bashkon – nuk na ndan.
Në cilësinë e koordinatorit të shkollës së futbollit, dua të theksoj gjithashtu se edhe stafi ynë duhet të dëgjohet dhe të merret parasysh në këto situata. Këta fëmijë janë bijtë e prindërve, të cilët me shumë sakrifica i sjellin çdo ditë në stërvitje e ndeshje. Askush nuk ka të drejtë të shkelë mbi ta apo t’i vendosë nën imazhe të padrejta.
Ne do të vazhdojmë me përkushtim punën tonë për t’u ofruar fëmijëve një zhvillim të shëndetshëm sportiv dhe edukativ, gjithmonë në frymën e respektit, korrektësisë dhe dashurisë për futbollin
Koordinatorit të Shkollës
A.V
Si koordinator i shkollës së futbollit, dua të theksoj se edhe ne si staf duhet të pyetemi dhe të merret parasysh përvoja jonë në këto situata.
Duhet të kemi kujdes, sepse këta fëmijë janë dikujt – janë bijtë e prindërve, të cilët me shumë sakrifica i sjellin çdo ditë në stërvitje e ndeshje. Askush nuk ka të drejtë të shkelë mbi ta apo të krijojë imazh të padrejtë për ta.
Ne do të vazhdojmë të punojmë me përkushtim për t’u ofruar fëmijëve zhvillim të shëndetshëm sportiv dhe edukativ, gjithmonë në frymën e respektit dhe korrektësisë.
