Sonte në Tiranë është zhvilluar një takim pas iftarit mes disa figurave të rëndësishme politike shqiptare në rajon. Në këtë takim kanë marrë pjesë lideri i BDI-së, Ali Ahmeti, kryeministri i Shqipërisë Edi Rama, si dhe kreu i Aleancës për Shqiptarët Arben Taravari, shkruan Tema.mk.
Sipas informacioneve, në këtë darkë ishte i pranishëm edhe Fatmir Limani, për të cilin thuhet se ka arritur një marrëveshje për t’iu bashkuar sërish kampit politik të Ali Ahmetit.
Takimi u zhvillua në një atmosferë të qetë pas iftarit, ndërsa burimet thonë se janë diskutuar zhvillimet politike dhe bashkëpunimi i mëtejshëm mes faktorëve politikë shqiptarë në rajon.
Pas zhvillimeve të fundit në VLEN dhe përjashtimin e Limanit nga Lëvizja BESA, siç duket përfundimisht Fatmir Limani është rikthyer në BDI./Tema.mk/
