Gjermania ndeshet të premten me Spanjën për çerekfinalet e këtij europiani. Kjo është herë e parë prej vitit 2017 që skuadra gjermane kualifikohet në fazën me eliminim direkt në një turne të madh.
Fitorja bindëse e së shtunës ndaj Danimarkës ka rritur entuziazmin tek gjermanët dhe për si pasojë edhe interesin për të ndjekur ndeshjen ndaj La Roja-s
Sipas Bild, biletat për kategorinë e tretë janë në dispozicion për rreth 700 dhe 800 euro, krahasuar me 100 euro që është çmimi i zakonshëm. Por jo vetëm kaq, vlerat e rishitjes së biletave janë stratosferike.
Një person kërkon 5,899 euro me tre bileta në ofertë. Një tjetër kërkon 11,800 euro për dy bileta, tre rreshta më të larta se kategoria e tretë në stadium.
Parashikimet rreth çerekfinales së Gjermanisë kundër Spanjës në Euro 2024 sigurisht që po rriten.
Gjithashtu dhe besimi brenda kampit gjerman. Joshua Kimmich beson se Gjermania “mund të mundë këdo” dhe gjithashtu u ka bërë thirrje tifozëve që do të ndjekin ndeshjen në Shtutgart që të jenë po aq të zhurmshëm sa ata në Dortmund të shtunën.
