Fabrika ndodhet në fshatin Radanjë, Komuna Karbincë, dhe ishte e siguruar nga oficerë policorë.
Grabitje ka shumë, por kur grabitet një objekt që ruhet nga Ministria e Punëve të Brendshme, kjo është diçka shumë e pazakontë dhe madje simptomatike.
Kështu ka ndodhur me fabrikën për kultivimin e kanabisit në fshatin Radanjë, Komuna Karbincë. Ngjarja është konfirmuar për “Infomax” nga MPB, dhe në komunikatën e dërguar thuhet se që nga 5 marsi 2025, objekti është ruajtur pikërisht nga policia. Nuk dihet saktësisht sa kanabis është grabitur, por “Infomax” raporton se bëhet fjalë për një sasi të madhe.
Në deklaratën e MPB-së për “Infomax” thuhet:
**”Më 28.03.2025 rreth orës 00:20, në SPB Shtip është raportuar një vjedhje e kërcellëve të kanabisit të sekuestruar nga fabrika për të cilën po pyesni, e vendosur në Komunën e Karbincës. Është kryer ekspertizë në vendngjarje dhe është njoftuar prokurori publik. Po ndërmerren masa për zbardhjen e rastit. Fabrika, që nga data 05.03.2025, ruhet nga oficerë policorë të SPB Shtip.”**
Gjithashtu, MPB ka informuar redaksinë se në muajt e fundit nuk janë regjistruar apo raportuar ndonjë vjedhje në fabrikën e kultivimit të kanabisit për qëllime mjekësore, e cila ndodhet në fshatin Radanjë, Komuna Karbincë.
