Dobësi në regjistrimin e kërkesës dhe detyrimeve, parregullsi në realizimin e të ardhurave, dhënien e lëshimeve dhe shpërblimeve, kompensime të paguara pa bazë ligjore, pagesë e tatimit të vlerës së shtuar për shërbime të ndërlidhura me veprimtarinë themelore dhe dobësi në përballjen dhe realizimin e furnizimeve publike, konstatoi Enti Shtetëror i Revizionit (ESHR) në raportin revizor për Arkivin Shtetëror të Republikës së Maqedonisë së Veriut.
Në rapotin e publikiuar sot ESHS shpreh mendim të pavolitshëm për realitetin dhe objektivitetin e raporteve financiare të Arkivit, si dhe për harmonizimin me rregullativë ligjore, udhëzimet dhe polirikat e vendosura.
Me revizion është konstatuar edhe mospërmbushje të kushteve themelore që duhet t’i posedojnë edhe depot e Arkivit Shtetëror për të mbrojtur materialin arkivor, si dhe kushtet për mbrojtje nga qasja e paautorizuar në materialin arkivor dhe dokumentar.Gjithashtu, nuk ishte kryer edhe regjistrimi i azhurnuar dhe kronologjik i lëvizjes së rezervave të botimeve të botuara.
Për tejkalimin e gjendjeve të vërtetuara janë dhanë rekomandime me qëllim ndërmarrjen e masave dhe aktiviteteve nga personat dhe autoritetet kompetente.
Gjithashtu informohet se personat përgjegjës të Arkivit Shtetëror kanë paraqitur komente mbi draft-raportin për periudhën që i nënshtrohet auditimit.
“Vërejtjet janë shqyrtuar dhe është konstatuar se disa prej tyre nuk pranohen sepse nuk u paraqitën prova të reja për ndryshimin e kushteve të identifikuara. Disa nga komentet janë një njoftim për arsyet e kushteve të identifikuara, ndërsa të tjerat janë një njoftim për masat që do të merren për kapërcimin e kushteve të identifikuara duke miratuar Ligjin e ri për materialin arkivor dhe veprimtarinë arkivore”, informon ESHR.
