Kryetari i komunës së Sarajit, Muhamet Elmazi ka pritur sot në takim ambasadorin e Kosovës, Florian Qehaja dhe zv/shefin e ambasadës, Kenan Tora.
Vizita e këtillë, siç thekson Elmazi, forcon edhe më shumë miqësinë dhe bashkëpunimin ndërmjet komuniteteve tona si dhe hap mundësi të reja për zhvillim.
“Ishte kënaqësi dhe nder i veçantë të mirëpres në vizitë ambasadorin e Republikës së Kosovës, shkëlqesinë e tij z.Florian Qehaja dhe zv/shefin e ambasadës z. Kenan Tora. Shpresojmë që kjo vizitë të shërbejë si një urë e fortë bashkëpunimi dhe të çojë drejt projekteve të përbashkëta që sjellin përfitime për qytetarët tanë”, thekson Elmazi në postimin në rrjetet sociale.
Si komunë, thekson ai, vlerësojmë lart kontributin që institucionet diplomatike të Kosovës japin çdo ditë për mbështetjen e qytetarëve tanë dhe krijimin e siç pohon, “mundësive të reja për zhvillim ekonomik, kulturor dhe institucional”.
“Faleminderit sinqerisht për vizitën!”, thekson mes tjerash Elmazi.
