Amir Elezi, Nënkryetar i Shtabit të VLEN për zgjedhjet lokale, në Click Plus në TV21 ka komentuar zgjedhjet e përsëritura në Vrapçisht dhe në Gostivar.
“ Jo nuk ka pasur bojkot. Ajo që flet zoti Ahmeti tingëllon shumë frustruese shkaku se ai mundohet që të gjitha ato elemente dhe të gjitha ato metoda të cilat i ka përdorur njëzet vite me radhë të na atribuojë VLEN-it. Nuk mbajnë këto arsyetime. Mirëpo, edhe pse nuk pajtohem me këto konstatime të cilat i tha sonte, më pëlqen fakti që është i shkëputur nga Reçica e Vogël dhe gjithë zona e Pollogut si dhe të shkoj e të ngelet në periferi edhe në terma gjeografik dhe në terma politik. Humbësi më i madh i këtyre zgjedhjeve sigurisht që është AKI-ja. Por, në këtë rast edhe BDI-ja. Sonte i gëzohet fitores dy kandidatëve të Arben Taravarit që e nesërme dihet se ku do i gjej. Duke e pasur parasysh faktin se Zijadin Sela i braktisi, Menduh Thaçi i braktisi ”, deklaroi Elezi.
