Në funksion të sigurimit të transmetimi të qëndrueshëm dhe të sigurt të
energjisë elektrike, Elektrodistribuimi edhe këtë vit realizoi inspektimet e rregullta vjetore vizuale të
linjave 110 kV dhe 35 kV mbitokësore në të gjithë territorin e vendit.
Përmes kontrollit në terren përgjatë gjithë trasës së linjave të tensionit të lartë dhe të mesëm, ekipet
kryen një kontroll të detajuar të elementeve kryesore, duke përfshirë përçuesit, shtyllat, pajisjet e
varjes dhe distancat e sigurisë, me qëllim zbulimin në kohë dhe parandalimin e rreziqeve të
mundshme.
Theks i veçantë iu kushtua gjendjes së vendeve të shtyllave dhe themeleve, ku u evidentuan të gjitha
mangësitë dhe dëmtimet e vërejtura, prania e vegjetacionit dhe korrozionit, si dhe gjendja e tokëzimit.
Gjithashtu, u kontrolluan përçuesit, litarët mbrojtës, pikat e lidhjes dhe shenjat vizuale të linjave në
kalimet mbi autostrada, si dhe gjendja e korridoreve mbrojtëse me fokus në kontrollin e vegjetacionit
dhe në parandalimin e ndërtimit të objekteve të palejuara brenda këtyre korridoreve.
Elektrodistribuimi, në mënyrë të vazhdueshme dhe me nivelin më të lartë të përkushtimit, realizon të
gjitha aktivitetet për mirëmbajtjen dhe modernizimin e rrjetit distributiv.
Elektrodistribuimi realizoi me sukses inspektimin vjetor të linjave mbitokësore
