Elektrodistribuimi ishte nikoqir i ngjarjes „Siguria kibernetike në infrastrukturën kritike: ndërtimi i rezistencës përmes bashkëpunimit“, e organizuar nga OSAC (Overseas Security Advisory Council), duke shënuar fillimin zyrtar të aktiviteteve me fokus të veçantë në sektorin energjetik si një segment kyç për sigurinë kombëtare, stabilitetin ekonomik dhe funksionimin e pandërprerë të shoqërisë.
Ngjarja bashkoi përfaqësues shtetërorë dhe ndërkombëtarë nga sektori publik dhe privat, institucione rregullatore, kompani energjetike dhe ekspertë për IKT dhe sigurinë kibernetike, me qëllim hapjen e një diskutimi strategjik mbi kërcënimet në rritje kibernetike dhe mbrojtjen e sistemeve kritike energjetike.
Vëzhgime ekspertësh ndanë Nina Ugrinovska, konsulente e lartë dhe auditor kryesor, Anja Ivanovska, oficere për sigurinë informative, dhe Georgi Hadzhi-Manev, udhëheqës i departamentit për teknologjitë informative dhe telekomunikacion, duke u fokusuar në sigurinë kibernetike në kontekstin e transformimit digjital, menaxhimin e teknologjive operative, përputhshmërinë me standardet ISO/IEC 27001:2022 dhe NIS 2, si dhe forcimin e rezistencës në sektorin energjetik. Diskutimet nënvizuan rëndësinë e bashkëpunimit, shkëmbimin e informacionit, përgjegjësinë udhëheqëse dhe investimin në kapitalin njerëzor si faktorë kyç për përballimin e kërcënimeve kibernetike gjithnjë e më të shprehura ndaj infrastrukturës kritike.
Elektrodistribuimi mbetet i përkushtuar ndaj mbështetjes së OSAC Shkup dhe forcimit të rezistencës kibernetike në sektorin energjetik.
