Në fazën përfundimtare të implementimit është sistemi më i ri SIEMENS SCADA për menaxhimin digjital të rrjetit të tensionit të mesëm dhe të lartë, me çka ndjeshëm do të përmirësohet transformimi digjital dhe sistemet e menaxhimit dhe monitorimit në distancë.
Me ndihmën e sistemit më të ri SCADA, qendrat dispeçerike të EVN dhe MEPSO do të ndërlidhen me qëllim që të menaxhojnë më mirë të gjithë rrjetin elektrik në vend.
Me një investim prej një milion eurosh, sistemi i teknologjisë së fundit SCADA mundëson një nivel më të lartë automatizimi, sigurie dhe kontrolli operativ, që është parakusht kyç për një tranzicion efikas të energjisë dhe diversifikim më të madh të burimeve të energjisë elektrike në vend.
Sistemi ka rëndësi të veçantë, sidomos në një periudhë ku një numër gjithnjë e në rritje i centraleve fotovoltaike lidhen me rrjetin distributiv. Deri më tani, janë regjistruar 2.963 lidhje të reja nga burimet e rinovueshme, me një kapacitet të instaluar total prej 860 MW, që në situata të caktuara mund të paraqesë sfidë për stabilitetin e sistemit energjetik.
Me investime të tilla në digjitalizimin e proceseve kryesore, Elektrodistribuimi u ofron klientëve të vet shërbime më cilësore, më të besueshme, më efikase dhe poashtu forcon sigurinë dhe efikasitetin e rrjetit, duke konfirmuar angazhimin për një infrastrukturë energjitike moderne, transparente dhe digjitale.
