Dy të plagosur nga zjarri në Koçani pasdite u dërguan në Poloni për trajtim, informoi delegacioni i BE-së në vend në faqen e tij në Facebook.
“Ambasada e Polonisë ka siguruar transportin e ambulancës ajrore për dy persona të plagosur nga zjarri tragjik në Koçani. Pacientët do të marrin kujdesin e nevojshëm në Qendrën Lindore Polake për Trajtimin e Djegies dhe Kirurgjinë Rikonstruktive,” thuhet në deklaratë.
Ambasadori çek në vend Jaroslav Ludva njoftoi në rrjetin social X se dje mirëpriti një ekip mjekësor nga Republika Çeke për të ndihmuar mjekët maqedonas të trajtojnë të plagosurit nga zjarri në Koçani. Më tepër se 70 pacientë janë transferuar për trajtim jashtë vendit.
