Edon Zhegrova ishte pjesë e Lille në bankën rezervë gjatë fitores 1:0 ndaj Monacos në fundjavë, pasi trajneri Bruno Genesio ka treguar se lojtari i përfaqësueses së Kosovës ka ende nevojë për kohë për t’u rikuperuar nga problemet fizike.
“Ai është këtu me ne. Do e shohim nëse do të qëndroj deri në fund. Edoni ka nevojë për kohë, pasi nuk ka luajtur që një kohë të gjatë. Ka pasur probleme dhe lodhje në muskuj, kjo është një prej arsyeve që nuk luajti”, tha Genesio, duke shpjeguar mungesën e 26-vjeçarit në fushë.
Sipas raporteve të fundit, Zhegrova ka arritur marrëveshje personale me Juventusin, ndërsa po pritet akordi mes klubeve. Përveç Italisë, për shërbimet e tij është i interesuar edhe Olympique Marseille në Francë.
