Sektori për Kontroll dhe Hetime zbuloi dhe parandaloi një përpjekje për kontrabandë të 4.800 paketimeve me qese nikotini, me vlerë 1,2 milionë denarë. Kundër autorit do të paraqitet kallëzim penal për veprën penale “kontrabandë”, e dënueshme sipas Kodit Penal.
I dyshuari u ndalua për kontroll nga një ekip mobil doganor, në brendësi të shtetit, menjëherë pas hyrjes në vend përmes pikës kufitare Tabanocë, ku u gjetën 4.752 paketime me qese nikotini që përmbajnë nikotinë dhe 48 paketime qese nikotine – snus, që përmbajnë nikotinë dhe duhan. Malli dhe automjeti u sekuestruan, ndërsa i dyshuari u shoqërua për në pyetje nga inspektorët e hetimeve.
Në procedurën paraprake hetimore është konstatuar se malli duhej t’i dorëzohej një personi për të cilin Dogana vitin e kaluar kishte paraqitur kallëzim penal për fshehje të mallrave që janë objekt kontrabande – cigare pa pulla akcize dhe mashtrim doganor.
Pas përfundimit të plotë të hetimit, kundër të dyshuarit do të paraqitet kallëzim penal pranë prokurorisë publike kompetente për veprën penale kontrabandë.
Drejtoria e Doganave: Zbulohet përpjekje për kontrabandë me 4.800 paketime qesesh me nikotinë në vlerë prej 1,2 milionë denarësh
