Departamenti i Hetimeve pranë Sektorit për Kontroll dhe Hetime gjatë vitit të kaluar ka dorëzuar gjithsej 213 kallëzime penale kundër 443 personave fizikë dhe 160 personave juridikë në Prokurorinë Themelore Publike dhe në Prokurorinë për Ndjekjen e Krimit të Organizuar dhe Korrupsionit. Në 196 raste është konstatuar dëm ndaj Buxhetit në vlerë prej 102 milionë denarësh.
Numri i kallëzimeve penale të dorëzuara është rritur për më shumë se dyfish krahasuar me vitin 2024, kur janë dorëzuar 91 kallëzime penale, ndërsa pjesa më e madhe e tyre, rreth 80 për qind, janë evidentuar nga muaji tetor.
Për prodhim dhe shpërndarje të paautorizuar të narkotikëve janë zhvilluar hetime dhe janë dorëzuar shtatë kallëzime penale; për kontrabandë 40 kallëzime penale; për mashtrim doganor 39 kallëzime penale; për falsifikim dokumentesh 85 kallëzime penale; si dhe për tregti të pa lejuar me armë janë dorëzuar shtatë kallëzime penale. Janë dorëzuar gjithashtu kallëzime penale për keqpërdorim të detyrës dhe autorizimeve zyrtare, duke kryer transport nërkombëtar të paligjshëm, si dhe shmangie nga pagesa e akcizës. Gjithsej 103 nga kallëzimet penale janë dorëzuar për vepra penale të kryera me 232 automjete.
Gjatë veprimeve parahetimore nga shërbimi kundër krimit ekonomik, në kuadër të verifikimit të provave për origjinën, janë dërguar 450 kërkesa në shërbime të huaja, ku në 223 raste është konstatuar se provat e origjinës janë të pavlefshme. Me shërbimet e huaja janë kryer edhe 71 verifikime të faturave të importit. Për më tepër, nga shërbimi për hetime financiare janë hapur 15 hetime financiare kundër 19 personave fizikë dhe nëntë personave juridikë, me qëllim zbulimin dhe konfiskimin e pasurisë së fituar në mënyrë të paligjshme dhe, rrjedhimisht, destabilizimin e grupeve kriminale.
Drejtoria e Doganave vazhdon me zbatimin e kontrolleve dhe hetimeve të intensifikuara me qëllim luftën efikase kundër krimit dhe mbrojtjen e interesave financiare të shteti.
