Një ekip mobil i Doganës nga Departamenti i Operativës ka zbuluar 580 fishekë gjatë një kontrolli në autobusin “Durmo Tours” nga Gostivari, i cili po hynte në vend në pikën kufitare Tabanoc. Municioni është konfiskuar përfundimisht, ndërsa autobusi ku u gjet municioni është ndaluar. Deri tani, ndaj dy të dyshuarve, Departamenti i Hetimeve ka ngritur kallëzim penal në Prokurorinë Themelore të Kumanovës, ndërsa hetimi është zgjeruar edhe ndaj individëve të tjerë.
Krimi është zbuluar më 26 mars, kur ekipi mobil i Doganës, për shkak të dyshimeve, ndaloi autobusin e “Durmo Tours”-it për një kontroll I cili udhëtonte nga Italia për në Maqedoninë e Veriut . Gjatë kontrollit, inspektorët doganorë vërejtën dëmtime në pjesën e jashtme të ventilimit të autobusit, dhe në hapësirën e brendshme të ventilacionit, mes 50 paketave me kafe, gjetën një kuti me gjithsej 580 fishekë, shumica prej të cilëve ishin të kalibrit 9 mm.
Drejtoria e Doganave vazhdon me aktivitete të intensifikuara për të siguruar mbrojtjen e sigurisë së qytetarëve.
Drejtoria e Doganave: Janë gjetur 580 fishekë në autobus, dy të dyshuar janë privuar nga liria
