Thashethemet për një romancë mes Kim Kardashian dhe reperit Drake po marrin gjithnjë e më shumë hov, pasi fansat vunë re se të dy kanë ndarë foto nga e njëjta vilë luksoze në Liqenin Como, Itali.
Sipas “The Sun”, ndjekësit e vëmendshëm bënë lidhjen pasi Kim, 44 vjeçe, publikoi disa foto në Instagram ku shihej duke pozuar pranë shtyllave prej guri me liqenin në sfond, duke i shoqëruar me përshkrimin: “ITALY 2025”.
Nga ana tjetër, një faqe që merret me patundshmëri kishte konfirmuar se edhe Drake, 36 vjeç, kishte qëndruar së fundmi në një vilë madhështore në Como, me të njëjtën arkitekturë që shihet në fotot e Kim.
Kjo nuk është hera e parë që qarkullojnë zëra për një lidhje mes tyre. Ish-bashkëshorti i Kim, Kanye West, në mars kishte lënë të kuptohej për një romancë të mundshme mes saj dhe Drake, duke shkruar në X: “Këto janë herët e fundit që mund ta ngacmoj Drake, para se të dalë Kim me të, sepse pastaj do duket sikur jam xheloz.”
Thashethemet përflaken edhe nga muzika. Në vitin 2023, Drake publikoi këngën “Search & Rescue”, ku përdori një bisedë mes Kim dhe nënës së saj Kris Jenner. Madje fansat kujtojnë edhe hitin e vitit 2018 “In My Feelings”, ku ai repoi vargun e famshëm: “Kiki, do you love me?” – gjë që shumë e lidhnin me Kim.
Megjithatë, sipas mediave rozë, Drake mund të ketë konkurrencë.
Së fundmi është përfolur se Kim ka një pëlqim të veçantë edhe për Post Malone, të cilin e zgjodhi personalisht për të qenë fytyra e re e fushatës më të fundit të SKIMS.
Një burim pranë saj ka zbuluar se ajo është “shumë e impresionuar” nga artisti dhe fakti që ai është baba i vetëm vetëm sa e ka bërë më tërheqës në sytë e saj.
