Vërshimet në Kosovë dhe Shqipëri në çdo moment mund të arrijnë edhe në vendin tonë, njoftojnë nga Drejtoria për Punë Hidrometeorologjike. Ekspertja e parashikimit të motit, Marija Cvetkovska-Atanasovska tha se që sonte gjatë mbrëmjes priten rreshje të mëdha të shiut.
“Një pjesë e këtij fronti patjetër do të arrijë edhe tek ne. Që sonte, gjatë natës, presim reshje, edhe gjatë gjithë mëngjesit ka reshje. Reshje bore do të ketë pasdite, ndërsa edhe nesër do të ketë reshje, por ato do të jenë në zonat më të larta, në malet dhe në vendbanimet më të larta. Të premten moti do të jetë relativisht i qëndrueshëm, ndërsa të shtunën pritet një valë e re reshjesh. Temperaturat do të jenë mesatare për këtë periudhë të vitit, që do të thotë se nga nesër do të kemi ulje të temperaturave, të premten një rritje të lehtë, ndërsa nga e shtuna temperaturat do të jenë nën zero kudo”. u shpreh ekspertja Marija Cvetkovska-Atanasovska, nga Drejtoria për Punë Hidrometeorologjike.
