I dyshuari për vrasjen e sotme në Gjakovë, është dorëzuar në Polici.
Lajmin për portalin rtv21.tv e ka konfirmuar Drejtori i Policisë për Gjakovë, Lumni Grashita.
Graishta ka bërë të ditur se i dyshuari për vrasje është pronari i një lokali pranë “Çarshisë së Vjetër” dhe si pasojë e një mosmarrëveshjeje me klientët ka shtënë me armë zjarri në drejtim të tyre.
Një i vrarë dhe një i plagosur në Gjakovë
Një pronar i një lokalit te Çarshia e Vjetër në Gjakovë, mëngjesin e sotëm ka shtënë me armë zjarri drejt një klienti pas një mosmarrëveshje me ç’rast e ka lënë të vdekur, derisa një tjetër ka përfunduar i plagosur.
Lajmin për RTV21 e konfirmoi zëdhënësi i Policisë së Kosovës për rajonin e Gjakovës, Sheremet Elezaj.
“Sot rreth orës 05:30, jemi njoftuar se në rrugën “Vëllezërit Frashëri” në Gjakovë dy persona meshkuj, të moshës madhore, janë qëlluar me armë zjarri. Si pasojë e plagëve të marra, njëri prej tyre ka ndërruar jetë në vendin e ngjarjes (ekipi mjekësor ka konstatuar vdekjen e tij). Personi tjetër ka mbetur i plagosur dhe është dërguar për trajtim mjekësor. Njësitë përkatëse policore i janë përgjigjur menjëherë rastit dhe është njoftuar prokurori i shtetit i cili po ashtu ka dalë në vendin e ngjarjes. Aktualisht po ndërmerren veprimet e nevojshme hetimore me qëllim të arrestimit të të dyshuarit dhe zbardhjes së plotë të rrethanave të ngjarjes.”,tha ai./21Media
