Mbrojtësi spanjoll, Sergio Ramos nuk dëshiron të pensionohet nga futbolli edhe pse është jashtë fushave për një kohë të gjatë.
38-vjeçari pritet që së shpejti t’i kryejë testet mjekësore me skuadrën e tij të re, shkruan Indeksonline
Ajo është Rayados de Monterrey nga Meksika.
Kjo skuadër ka trajner legjendën e Bayern Munchenit dhe ish-lojtarin e disa skuadrave, si: Manchester City, Atletico Madrid dhe Malaga, Martin Gaston Demichelis.
Madje 44-vjeçari mezi e pret një mbrojtës si Ramosi që t’i bashkohet klubit të tij.
“A mund ta imagjinoni se çfarë arritjeje do ishte për Ligën MX ardhja e Sergio Ramosit. Do ishte një nder i madh për të gjithë. Shpresoj që të bëhet realitet”, u shpreh trajneri në konferencë për shtyp
Ramosi pasi u largua nga PSG-ja nënshkroi me Sevillan, por nuk qëndroi shumë dhe më pas ndërpreu kontratën, duke mbetur “lojtar i lirë” nga muaji qershor i vitit 2024.
