Me shumë këshilla mjekësore në mesin e fëmijëve, e përjetova me kënaqësi atmosferën e veçantë që u krijua në shkollën fillore “Ismail Qemali” me rastin e Ditës Botërore të Shëndetit.
Së bashku me drejtorin e Shtëpisë së Shëndetit, z. Samir Iseni, dhe drejtoreshën e shkollës, znj. Teuta Imeri, patëm mundësinë t’u drejtohemi nxënësve me një mesazh të qartë: kujdesi për shëndetin fillon që në fëmijëri dhe është përgjegjësi e përbashkët e familjes, shkollës dhe institucioneve.
Kontribut të veçantë në këtë ditë dhanë mjekët dhe stafi mjekësor, të cilët me përkushtim dhe profesionalizëm realizuan demonstrime praktike mbi higjienën personale, kujdesin për higjienën orale dhe larjen e dhëmbëve në mënyrën e duhur, ushqimin e shëndetshëm, si dhe rëndësinë e aktivitetit fizik në jetën e përditshme.
Komuna e Çairit do të vazhdojë të mbështesë aktivitete të tilla edukative dhe vetëdijesuese, që ndërtojnë zakone të shëndetshme dhe ndikojnë pozitivisht në të ardhmen e fëmijëve tanë.
https://www.facebook.com/share/1A4hVgxYGt/
