Një automjet i tipit “Audi” me targa të Tetovës është përfshirë nga zjarri mbrëmjen e 31 janarit në rrugën “Boro Vulliq”, në afërsi të udhëkryqit me rrugën “Gjorçe Petrov”.
Ngjarja është raportuar në SPB Tetovë rreth orës 22:45. Veturës i përket Z.T. (40) nga fshati Kamjan.
Zjarri është shuar nga Njësia Territoriale Kundër Zjarrit Tetovë, ndërsa fatmirësisht nuk raportohet për persona të lënduar.
Nga SPB Tetovë bëjnë të ditur se po ndërmerren masa dhe aktivitete hetimore për zbardhjen e plotë të rastit dhe përcaktimin e shkaqeve të zjarrit.
