Prokuroria Themelore Publike në Shkup ka hapur procedurë kundër një 52-vjeçari, i dyshuar për veprën penale – Lëndim trupor sipas nenit 130 paragrafi 2 lidhur me paragrafin 1 të Kodit Penal.
I dyshuari, gjatë ushtrimit të dhunës në familje në shtëpinë e tyre në rrugën “Rajko Zhinzifov”, ka sulmuar fizikisht partneren e tij jashtëmartesore 32-vjeçare, e cila ishte në muajin e dytë të shtatzënisë. Gjatë një fjalosjeje, ai ka filluar ta godasë gruan me grushte dhe shuplaka, duke i shkaktuar lëndime trupore – gërvishtje, ënjtje dhe hematoma në kokë dhe trup.
Hypertea
Како да избегнете срцев удар?! Правете го ова наутро
×
E dëmtuara kishte filluar të bërtiste fort duke kërkuar ndihmë me qëllim që ta dëgjonin fqinjët dhe të thirrnin policinë, por sa më shumë që ajo bërtiste, aq më agresiv bëhej i dyshuari duke e goditur edhe më fort, ndërsa në një moment, me qëllim që ta heshtte, e ka shtrënguar me duar në fyt. Për të shpëtuar dhe për të dalë nga shtëpia, viktima e ka bindur të dyshuarin që të shkonin te gjenekologu për të bërë një kontroll me EHO dhe për të parë foshnjën.
Kur me makinë janë drejtuar drejt gjenekologut amë dhe i dyshuari ka ndaluar në semaforët e bulevardit “Shën Klimenti i Ohrit”, e dëmtuara ka arritur të ikë nga automjeti dhe ka hyrë në një kafene për të kërkuar ndihmë. Ajo ka huazuar një telefon celular nga një person që ishte ulur në kafene dhe menjëherë ka njoftuar policinë.
Prokurori publik i ka dorëzuar gjyqtarit të procedurës paraprake propozim për caktimin e masave të kujdesit – detyrimi që i dyshuari të paraqitet kohë pas kohe te një person zyrtar i caktuar, marrja e përkohshme e pasaportës apo dokumentit tjetër për kalimin e kufirit shtetëror, si dhe ndalimi i afrimit ose vendosjes, gjegjësisht mbajtjes së kontakteve me të dëmtuarën.
