MaqedoniSport

Dëgjohet zëri i Safije Sadiku Shahini, fyerjet ndaj shqiptarëve nuk kalojnë: MKK Kumanovo dënohet me dy ndeshje pa tifozë dhe gjobë prej 32,00 denarë

Pas apelit të zëvendës ministres së sportit, Safije Sadiku Shahini që të merren masa ndaj Klubit të Basketbollit “Kumanovo” për ofendimet dhe fyerjet ndaj shqiptarëve, ky klub është gjobitur.

Klubi i basketbollit MKK “Kumanovo” është gjobitur me dy ndeshje pa publikë në shtëpi dhe me shumë prej 32.000 denarë për incidentin e shkaktuar nga grupi i tifozëve në ndeshjen e fundit të zhvilluar këtë fundjavë me ekipin e Çair 2030.

Në ndeshjen e zhvilluar të dielën, më 30 mars, gjatë nxemjes kanë ndodhur dy incidente dhe para përfundimit të pjesës së parë, gjyqtarët e kanë ndërprerë ndeshjen për 40 minuta, për shkak të fyerjeve antishqiptare. Gjatë pushimit, grupi i tifozëve dhe pjesa tjetër e publikut u larguan nga salla dhe më pas u luajt ndeshja.

Tifozët vendës gjithashtu kishin shkruar grafite antishqiptare “shqiptar i vdekur”, në autobusin e skuadrës mysafire. Në atë takim MKK Kumanovë e mposhti Çairin me rezultat 97:74.

Related Posts