Afaristi Xhemail Dauti vlerëson se rritja e pagës minimale nuk paraqet humbje për qeverinë, por përkundrazi krijon stabilitet ekonomik dhe social për shtresën punëtore, ekzistenca e së cilës shpesh është në pikëpyetje.
Dauti, duke folur në emisionin Biznes Plus, theksoi se një pagë minimale më e lartë u mundëson punëtorëve më shumë siguri financiare dhe rrit fuqinë e tyre blerëse, gjë që reflektohet drejtpërdrejt në ekonominë e vendit.
Sipas tij, rritja e pagës minimale ndikon zinxhir edhe në tregun e punës, duke shtyrë gradualisht rritjen e pagave të tjera dhe duke i detyruar subjektet afariste të tregojnë përgjegjësi më të madhe ndaj fuqisë punëtore dhe faktorit njerëzor në procesin e të bërit biznes.
Ai shtoi se pikërisht kjo përgjegjësi ndaj punëtorëve krijon baza për konkurrencë më të fortë të bizneseve, jo vetëm në tregun e brendshëm, por edhe në tregjet ndërkombëtare.(Tvm2]
