Zëvendësdrejtori i Drejtorisë së Doganës së Maqedonisë së Veriut, Mustafa Dauti, me ftesë të drejtorit të Doganës së Kosovës, Agron Llugaliu, mori pjesë në ceremoninë e shënimit të 26-vjetorit të themelimit të këtij institucioni. Në këtë ngjarje, së bashku me drejtorin Boban Nikollovski, ai ndoqi edhe ceremoninë solemne të diplomimit të gjeneratës së re të kadetëve.
Dauti uroi kolegët e tij për këtë përvjetor të rëndësishëm dhe shprehu urime të veçanta për kadetët e sapodiplomuar, duke u dëshiruar suksese në detyrat e tyre të ardhshme për mbrojtjen e kufijve dhe lehtësimin e tregtisë.
Ai theksoi rëndësinë e bashkëpunimit të përbashkët ndërmjet dy vendeve në parandalimin e tregtisë ilegale dhe sigurimin e qarkullimit të pandërprerë të tregtisë legale, duke shtuar se ky bashkëpunim do të vazhdojë të forcohet në të ardhmen.
