Velibor Manev, një nga të akuzuarit për vrasjen e Vanjës dhe Pançes, tha sot në Gjykatën Penale se rrëmbimi i Vanjës ndodhi në tentimin e tretë, ndërsa plani fillestar ishte rrëmbimi i një gruaje të moshës 38-40 vjeçe.
Më herët, Manevi para Gjykatës tha se rrëmbimin e Zhezovskit në Veles e kanë kryer me qëllim që të përdorin automjetin e tij për të rrëmbyer një grua në Shkup, ndërsa të rrëmbyerit të mbahen në një gropë të hapur – “zemunica” në Veles deri në arkëtimin.
I pyetur se kë kanë planifikuar të rrëmbejnë, është përgjigjur se Palevski ka përmendur disa personalitete, në mesin e të cilëve, siç tha ai, “Sasho drejtori i Granit, më pas, ai vendosi për një grua të moshës 38-40 vjeç, vajzën e njërit prej shtëpive farmaceutike.” Sipas Manevit, Palevski fillimisht u ka premtuar secilit “nga 150 mijë euro për rrëmbimin e vajzës së farmacistit”, e që më pas, kur kanë parë se nuk ishte ai person, se është gabim, ai u ka thënë “nuk do të jenë aq para, do të jenë më pak, por me rëndësi është se do t’i marrim”.
“Gjatë gjithë kohës, edhe para se të ndodhte vetë rrëmbimi, dhjetë ditë më parë ai e kishte ndjekur atë, kështu na thoshte, për të parë kur ajo del, ku punon dhe gjoja e ka fotografuar me telefonin. Gjatë gjithë kohës na tregonte fotografitë, ajo dukej si një grua 38-40 vjeçare, nuk mund ta them nëse ishte e bërë me fotoshop”, tha ai.
Manevi tha se personin femër e kanë rrëmbye më 27 nëntor, në përpjekjen e tretë.
“Automjeti i Pançe Zhezovskit ishte në tregun në Radishan, na dërgoi atje më 27 nëntor dhe na la me kangun, na la të treve, mua, Boren dhe Vllatko Keshishevin, atje i vëmë flakën automjetit dhe u drejtuam për në ndërtesën ku duhej të kryenim rrëmbimin”, tha ai.
