Shtrenjtimi i derivateve të naftës ka ndikuar edhe në rritjen e çmimeve të produkteve ushqimore. Çmimi i vajit për gatim në disa markete tashmë arrin deri në 100 denarë, ndërsa disa lloje të tjera shiten për rreth 95 denarë.
Përveç vajit qytetarët ankohen se kanë vërejtur shtrenjtim edhe te disa produkte tjera të ushqimit.
-I kam vërejtur, te themi konserva me fasule dhe mish të thatë ishte 111 denarë, tani është 195, atje poshtë në vero deri 220 dnearë. Gjithçka është shtrenjtuar. Paga minimale duhet të jetë më e madhe por në këtë industri ekonomike, nuk funksionon, edhe pronarët nuk mund t’i paguajnë.
-Gjithçka është shtrenjtuar, qumështi, djathi, vezët gjithçka është rritur. Tani kot kjo rritja 1000 denarë që na e japin, prej në shtator rritja e fundit deri tani. Çmimet janë shtrenjtuar mundet për 50 euro ndërsa t’i japin vetëm 1000 denarë, ne jemi në humbje.
-Ne nuk mund të arrijmë me çmime, janë të ndryshme. Shembull kafeja, cigaret dhe gjëra të tjera, të ndryshme janë çmimet.
Nga ana tjetër, ka edhe qytetarë që thonë se nuk kanë vërejtur ndryshime të mëdha në çmime dhe se ato janë pothuajse të njëjta si më parë.
-Unë nuk shoh ndonjë dallim të madh çmimet janë çmime, para kësaj ishin kaq, edhe tani mendoj që janë kaq.
-Më së paku 50 mijë denarë që të mund të jetohet normalisht.
Ndryshe, Lidhja e Sindikatave të Maqedonisë para 2 ditëve protestoi pasi nuk arriti marrëveshje me Qeverinë për rritjen e pagave. Sindikalistët thanë se nuk heqin dorë nga kërkesat e tyre.
