Sot në Bruksel është bërë publikimi i Barometrit i Këshillit të Bashkëpunimit Rajonal (RCC) për Ballkanin Perëndimor.
Në këtë barometër janë prezantuar disa nga problemet më të mëdha, me të cilat përballen qytetarët e këtij rajoni.
Ndër problemet kryesore është kostoja e jetesës/rritja e çmimeve, ku 66 për qind e tyre kanë deklaruar se ky është problemi me të cilën përballen.
Lidhur me këtë, Amer Kepatnoviq, nga Këshilli i Bashkëpunimit Rajonal (Regional Cooperation Council) thotë se ‘Ballkan Barometer’ është rruga e dëgjimit të njerëzve të rajonit.
“Ajo që do shihni sot në disa segmente duhet të jetë brengosëse për të gjithë”, tha ai.
Po ashtu, si problem është paraqitur edhe situata ekonomike me 44 për qind, korrupsioni me 35 për qind, jostabiliteti politik me 29 për qind.
Po ashtu në mesin e problemeve qytetarët i kanë deklaruar edhe papunësinë me 25 për qind dhe ikjen e trurit (brain drain) me 22 për qind. /Telegrafi/
