Aktorja e njohur Nicole Kidman dhe këngëtari Keith Urban janë ndarë pas 19 vitesh martesë, raporton Page Six, përcjell Reporteri.net.
Sipas këtij raportimi, Kidman “nuk e dëshironte ndarjen dhe po përpiqej ta shpëtonte marrëdhënien.”
Aktorja dhe këngëtari i muzikës country kanë jetuar të ndarë “që nga fillimi i verës”, sipas disa burimeve që folën për TMZ, i cili ishte i pari që publikoi lajmin.
“[Kidman] po mban familjen të bashkuar gjatë kësaj periudhe të vështirë, që kur Keith është larguar,” tha një burim.
Raportohet se Urban është larguar nga shtëpia familjare në Nashville, Tennessee, dhe ka blerë një pronë të tijën në të njëjtin qytet.
