Çarna Nevzati, 20-vjeçare dhe studente në Fakultetin Juridik të Universitetit “Shën Kirili dhe Metodi” në Shkup, do të përfaqësojë Maqedoninë e Veriut në një nga ngjarjet më prestigjioze ndërkombëtare të bukurisë – “Miss World”.
Evenimenti sivjetor do të mbahet në Telangëna të Indisë dhe do të zgjasë deri më 31 maj, duke mbledhur konkurrente nga e gjithë bota për të garuar jo vetëm për bukurinë e jashtme, por edhe për angazhimin dhe përfaqësimin kulturor të vendeve të tyre.
Pjesëmarrja e Çarnës në këtë konkurs i jep një përfaqësim të denjë Maqedonisë së Veriut në skenën globale të bukurisë dhe pritet të tërheqë vëmendje si brenda vendit ashtu edhe jashtë tij.
